सेवाको विवरण

आवश्यक कागजातहरु/प्रमाणहरु

संस्था दर्ता

1. संस्था दर्ताको लागि जिल्ला प्रशासन कार्यालयलाई सम्बोधन गरेको तदर्थ समितिका पदाधिकारी र सदस्यहरुको संयुक्त निवेदन
2. स्थानीय तह (गाउँपालिका/नगरपालिका) को सिफारिस पत्र।
3. वडा अध्यक्षको रोहवरमा विद्यानमा सहिछाप गरेको मुचुल्का।
4. तदर्थ समितिका पदाधिकारी र सदस्यहरुले नेपाली कागजको प्रत्येक पानामा तलमाथि दस्तखत गरेको विधान ३ प्रति (नेपालीकागजमा)
5. संस्था स्थापनाका लागि निम्न कुराहरु खोलिएको भेलाको निर्णय,

• सर्वसम्मतले तदर्थ समितिका पदाधिकारी र सदस्यको चयन गरिएको
• सर्वसम्मतले संस्थाको नाम र ठेगाना छनौट गरिएको
• विधान बनाउने विषय (विधानमस्यौदा उपसमितिको गठन)
• जिल्लाप्रशासन कार्यालय रामेछापमा संस्था दर्ता गर्ने निर्णय
• तदर्थ समितिले विधान पारित गरी स्वीकृतिका लागि स्थानीय अधिकारी समक्ष पेश गर्ने भनी गरेको निर्णयका साथै संस्था दर्ताका लागि पदाधिकारीहरुलाई अख्तियारनामा दिएको निर्णय।

1. तदर्थ समितिका पदाधिकारीहरुको नागरिकताको प्रमाणित प्रतिलिपि १/१ प्रति
2. संस्थाका तदर्थ समितिका पदाधिकारी तथा सदस्यहरुको नाम, ठेगाना, सम्पर्क नं. र फोटो सहितको नामावली
3. संस्थाका पदाधिकारीहरुको चालचलन बुझेको प्रहरी प्रतिवेदन
4. तदर्थ समितिका पदाधिकारी र सदस्यहरु सक्कल नागरिकता सहित सनाखतका बखत उपस्थित हुनुपर्ने
5. संस्थाको नाम र उदेश्यको विषयमा सम्बन्धित मन्त्रालय, विभाग र निकायको राय प्रतिक्रिया लिनुपर्ने भएमा सोको सिफारिस
6. व्यापार व्यावसाय सञ्चालन गरेका व्यवसायीहरुको संस्था भएमा संस्थाका पदाधिकारीहरुले सञ्चालन गरेको व्यवसाय इजाजत/ अनुमति लिनुपर्ने प्रकृतिको भए त्यस्तो इजाजत पत्रको प्रतिलिपि र करचुक्ता प्रमाणपत्र प्रतिलिपि समेत पेश गर्नु पर्नेछ।

संस्था नवीकरण

1. नविकरणका लागि जिल्ला प्रशासन कार्यालयलाई सम्बोधन गरेको तोकिएको ढाँचाको निवेदन
2. विधानसम्मत साधारणसभाले चालु आ.व.को लागि लेखा परीक्षक नियुक्ति, सम्बन्धित आ.व.को लेखा परीक्षण प्रतिवेदन, वार्षिक प्रगति प्रतिवेदन र कार्य समिति छनौट गरेको निर्णयको माइन्युटको अध्यक्ष/सचिवले प्रमाणित गरेको प्रतिलिपि
3. सम्बन्धित आ.व.को लेखा परीक्षण प्रतिवेदन
4. करचुक्ता प्रमाण पत्रको प्रतिलिपि
5. सम्बन्धित आ.व.मा नवीकरणको लागि सम्बन्धित स्थानीय तह (गाउँपालिका/नगरपालिका) को सिफारिस
6. संस्थाको स्थायी लेखा नम्बर (PAN) दर्ताप्रमाणपत्र
7. जिल्ला प्रशासन कार्यालयले स्वीकृत गरेको संस्थाको विधानको प्रतिलिपि
8. संस्थाको प्रमाणपत्र फोटोकपी
9. संस्थाको लेटरप्याडमा वर्तमान कार्यसमितिको प्रमाणित नामावली
10. कुल साधारण सदस्य संख्या खुलाएको नामावली सहितको प्रमाणित विवरण र साधारणसभा/विशेष साधारण सभामा उपस्थितिको संख्या विवरण
11. सम्बन्धित आ.व.को वार्षिक कार्यप्रगति विवरण
12. वालगृह सञ्चालन सम्बन्धी संस्था भएमा सशुल्क वा नि:शुल्कसञ्चालन गरेको खुल्ने गरी स्थलगत अनुगमन सहितको प्रमाणित प्रतिवेदन समेत खुलेको सम्बन्धित स्थानीय तह (नगरपालिका/महानगरपालिका)को सिफारिस
13. लेखापरीक्षकको प्रमाणपत्र, पान (PAN) दर्ताप्रमाणपत्र, लेखापरीक्षण प्रमाणपत्र (नवीकरणसमेत देखिने गरी), कर चुक्ताको प्रमाणपत्र समेत
14. वैदेशिक सहयोग (नगदी/जिन्सी)बाट आयोजना तथा कार्यक्रम सञ्चालन गरेको भए समाज कल्याण परिषदको कार्यक्रम स्वीकृत पत्र, समाज कल्याण परिषदको अनुगमन प्रतिवेदन र कार्यक्रम सञ्चालन भएको स्थानीय तह (गा.पा./न.पा.)बाट कार्यक्रम सम्पन्न/भइरहेको सिफारिस पत्र ।

संस्थाको विधान संसोधन

1. रीत पूर्वकको निवेदन
2. तीन महले विधान- ३ प्रति
3. नवीकरण भएको संस्थाको प्रमाणपत्र र सोको प्रतिलिपि
4. संसोधन गर्ने प्रस्ताव कूल सदस्य संख्याको दुई तिहाई (२/३)साधारण सभा सदस्यहरुले पारित गरेको प्रमाणित निर्णय प्रति
5. जिल्ला प्रशासन कार्यालयले स्वीकृत गरेको संस्थाको विधानको प्रमाणित प्रतिलिपि

नोट- तीन महलेको सुरु पानाको माथि दस्तखत नगरि तलबाट दस्तखत गरी बाँकी पानाको माथि कार्यसमितिका सदस्यले दस्तखत गर्ने।

जिल्लामा संस्थाको शाखा खोल्ने

1. रीत पूर्वकको निवेदन
2. संस्थाको कार्यसमितिको निर्णय
3. विधानको प्रतिलिपि र दर्ता प्रमाणपत्रको प्रतिलिपि (नवीकरणदेखिने)
4. सम्बन्धित नगरपालिकाको सिफारिस
5. घरभाडा सम्झौता
6. स्थानीय तहमा सूचिकृत भएको प्रमाण पत्र
7. कार्यालयको विस्तृत विवरण
8. समाज कल्याण परिषदमा आवद्धता भएको प्रमाण पत्र
9. आन्तरिक राजश्व कार्यालय दर्ता रहेको प्रमाण पत्र

पत्रपत्रिका दर्ता सम्बन्धी

क. प्रकाशन बारे

१. जिल्ला प्रशासन कार्यालयलाई सम्बोधन गरेको तोकिएको ढाँचाको निवेदन

२. प्रकाशकको ४ प्रति फोटो र नागरिकताको फोटोकपी

३. प्रकाशक संस्था भए संस्थाको छाप, प्रबन्ध पत्र वा संस्थाको स्वीकृत विधान प्रमाणपत्र, नवीकरण भएको प्रमाणपत्र, करचुक्ता प्रमाणपत्र, अडिट रिपोर्ट, संचालकहरुको बैठकको निर्णय समेताका कागजातहरुको प्रमाणित प्रतिलिपि

४. संचालकहरु सबैको नागरिकताको फोटोकपीहरु

५. प्रहरी चालचलन

ख. सम्पादक बारे

१. सम्पादकको नागरिकताको प्रमाणपत्र फोटोकपी

२. सम्पादकहरुको शैक्षिक योग्यताको एस.एल.सी. देखि स्नातक सम्मको मार्कसिट, चारित्रिक प्रमाणपत्र र प्रोभिजनल सर्टिफिकेटका फोटोकपीहरु वा एस.एल.सी. उतीर्ण गरी पत्रकारितामा १० (दश)वर्ष कार्य गरेको सूचना विभागको प्रमाणपत्र समेतका प्रमाणपत्रहरुको फोटोकपीहरु

३. सम्पादकलाई प्रकाशकले नियुक्ति गरेको पत्र

४. पत्रिकामा सम्पादक पदमा रही काम गर्ने बारेको सम्पादकको मंजुरीनामा

५. प्रहरी चालचलन

छापाखान सञ्चालन

१. स्वीकृत छापाखानाबाट पत्रिका छाप्न मंजुरी दिएको सिफारिस

२. छापाखान दर्ता भएको प्रमाणपत्रको फोटोकपी

३. छापाखानाको प्रबन्ध पत्रको फोटोकपी

४. छापाखानालाई जिल्ला प्रशासन कार्यालयबाट स्वीकृति दिएको प्रमाणपत्रको फोटोकपी

५. छापाखानाले कर तिरेको कर चुक्ता प्रमाणपत्र।