मुद्दा सम्बन्धी

जरुरी पक्राउ पूर्जी समर्थन तथा पक्राउ अनुमति

पक्राउ गर्ने प्रहरी वृत्तले बाटोको म्याद र सार्वजनिक विदा बाहेक २४ घण्टा  भित्र थुनुवा सहित प्रमुख जिल्ला अधिकारी समक्ष पेश गर्ने।

म्याद थप

सम्बन्धित प्रहरी वृत्तले थुनुवा सहित प्रशासकीय अधिकृत  समक्ष पेश गर्ने ।

मुद्दा दर्ता/वयान/ थुनछेक आदेश/ म्याद जारी

1. प्रमुख जिल्ला अधिकारीको आदेशानुसार हुने
2. अभियोगपत्रसाथ प्रतिवादीलाई कार्यालय बन्द हुने समय भन्दा कम्तीमा डेढ घण्टा पहिले उपस्थित गराइएको हुनुपर्ने
3. फरार प्रतिवादीको ३ पुस्ते विवरण, स्पष्ट वतन र सम्पर्क नं. समेत अभियोग परेमा स्पष्ट खुलेको हुनु पर्ने।

म्याद तारेख तोक्ने/ प्रमाण मुकरर गर्ने/ पेशी तोक्ने

सम्बन्धित प्रतिवादी तारेखमा रहेको वा म्याद/तारेख गुजारेको वा थुनामा रहेको वा अंग पुगेको हुनु पर्ने।

तारेखमा बोलाउने/ तारेख थाम्ने

1. तारेख पर्चा/धरौटी जम्म गरेको रसिद सहित तोकिएको दिन प्रतिवादी आफै उपस्थित हुने।
2. पटक पटक वा एक पटकमा बढीमा १५ दिन तारेख थाम्न पाइने भएकोले सोको लागि रु १० को टिकट टाँस गरी तोकिएको ढाँचामा निवेदन दिनुपर्ने।

फैसला तयारी गर्ने

प्रमुख जिल्ला अधिकारीको आदेशानुसार हुने।

प्रमाणित प्रतिलिपि दिने

मिसिलमा संलग्न कागजात र निर्णय फैसलाको प्रमाणित प्रतिलिपि लिनका लागि सरोकारवालाले तोकेको ढाँचामा निवेदन र तोकिएको दरमा टिकट टाँस गर्नु पर्नेछ।

सवारी दुर्घटनाका मृतकका हकदार/ घाइतेलाई क्षतिपूर्ति, राहत, औषधि उपचार दिलाई भराई दिने

1. दुर्घटना पुष्टी हुने मुचुल्का सहितका कागजातहरु (सम्बन्धित प्रहरीबाट घटना मुचुल्का, लाश बुझेको पत्र, मेडिकल प्रतिवेदन, मृतकको नागरिकता, मृत्युदर्ता प्रमाणपत्र, नजिकको हकदारको नागरिकता प्रमाणपत्र, नाता प्रमाणित र सम्बन्धित स्थानीय तहको सिफारिस) सहित सम्बन्धित व्यक्ति/हकदार स्वयं उपस्थित हुनु पर्ने।
2. २. सवारी धनीका तर्फबाट सवारी धनी प्रमाणपत्र, बिमा आलेख, अख्तियारनामा, रकम बुझाउनेको परिचयपत्र सहित सम्बन्धित व्यक्ति उपस्थित हुनु पर्ने।

दण्ड जरिवाना असुल गर्ने

प्रमुख जिल्ला अधिकारीको आदेशानुसार हुने।

बिगो भराउने दिलाउने

1. मुद्दा अन्तिम किनारा भएको वा पुनरावेदन अवधि नाघेको हुनुपर्ने
2. सम्बन्धित जाहेरवाला, घाईते उपस्थित भई नागरिकता प्रमाणपत्र वा पहिचान खुल्ने कागजात सहित ( ३तीन वर्ष भित्र)निवेदन दिनु पर्ने
3. ३प्रतिवादी फरार रहेको/धरौटी जमानत नराखेको वा राखिएको धरौटी जमानत न्यून रही ठरहेको विगो भराउन नसकिएको अवस्थामा बिगो भराउन सम्बन्धित प्रतिवादी नेपाल सरहद भित्रको जायजेथा देखाई दरखास्त दिनु पर्ने।

धरौटी फिर्ता

1. यस कार्यालयबाट भएको फैसला चित्त बुझी पुनरावेदन नगर्ने भए सोही व्यहोरा खुलेको धरौटी फिर्ता निवेदन (रु.१० को टिकट सहित)दिनुपर्ने
2. नेपाली नागरिकता प्रमाणपत्र वा परिचय खुल्ने अन्य प्रमाण २ प्रति
3. रा.बा. बैङ्क को खाता नम्बर सहितको विवरण खुलेको निस्सा २ प्रति

सदरस्याहा

प्रमुख जिल्ला अधिकारीको आदेशानुसार हुने।