वंशजको आधारमा नेपाली नागरिकता

सम्बन्धित जिल्लाको निवेदक भएको हकमा:

• वडा अध्यक्षको सिफारिस सहितको अनुसूची- १ को फारम (CCIMS प्रणाली मार्फत सिफारिस भएमो हुनुपर्ने)
• बाबु र आमाको नागरिकता, विवाहित महिला भए पतिको नागरिकताको सक्कल र प्रतिलिपि, सो नभए दाजु वा वंशज खुल्ने तीन पुस्ता भित्रको नातेदारको नागरिकताको प्रतिलिपि र नाता प्रमाणित प्रमाणपत्र
• बाबु, आमा वा नागरिकता भिड्ने व्यक्तिबाट सनाखत, सो नभए दाजु वा भाइ वा तीनपुस्ताभित्रको नजिकको अभिभावकसँगको नाता प्रमाणित सहित सनाखत
• उक्त प्रमाण पेश हुन नसकेमा वंशज खुल्ने अन्य प्रमाणहरु
• फोटो ३ प्रति (कर्मचारीपरिवार भएमा ४ प्रति)
• जन्मदर्ता, जन्ममिति खुल्ने शैक्षिक प्रमाणपत्र तथा नाबालिक परिचयपत्र लिएको भएमा सो समेत 
• विवाह भएको भएमा विवाहदर्ता सक्कल र प्रतिलिपि

अन्य जिल्लाबाट बसाईसराई भई आएको भएमा

• स्थानीय पञ्जिकाधिकारीको कार्यालयबाट जारी भएको बसाईसराई प्रमाणपत्र सक्कल र प्रतिलिपि
• सक्कल जग्गाधनी प्रमाणपूर्जा वा घर निर्माण सम्पन्न प्रमाणपत्र
• घरको नक्सापास प्रमाणपत्र वा सक्कल एकीकृत सम्पतिकर तिरेको प्रमाण
• आवश्यकता अनुसार सर्जमिन । 

वैवाहिक अंगीकृत नागरिकता (महिलाको लागि)

• वडा अध्यक्षको सिफारिस सहितको अनूसुची- ७ को फारम
• पतिको नागरिकता सक्कल तथा प्रतिलिपि
• विवाहदर्ता प्रमाणपत्र सक्कल तथा प्रतिलिपि
• विदेशी नागरिकता परित्याग गर्न कारवाही चलाएको प्रमाण
• पतिको सनाखत, पति नभएमा पतिको नाता भिड्ने नजिकको नातेदारको सनाखत
• अटो साइजको फोटो ३ प्रति (कर्मचारीपरिवारको भएमा ४ प्रति)
• ७. भिसा लाग्ने देशको महिला भए नेपाल आएको देखिने राहदानी सहित मान्य अवधिको भिसा

अंगीकृत नागरिकता

• वडा अध्यक्षको सिफारिस सहितको अनुसूची-७ फारम
• स्थानीय तहले नेपालमा स्थायी रुपमा बसोबास गरेको भन्ने व्यहोराको सिफारिस
• बाबु र आमाको राष्ट्रियता खुल्ने प्रमाण
• बाबुको नागरिकताको आधारमा सम्बन्धित देशबाट नागरिक सुविधा नलिएको व्यहोरा खुल्ने सम्बन्धित देशको नागरिकता जारी गर्ने निकायबाट जारी भएको प्रमाण

कर्मचारी परिवारको नाताले नागरिकता प्रमाण पत्र वितरण

• जिल्लामा कार्यरत नेपाल सरकारको स्थायी कर्मचारी, सरकारी संस्थान, विश्वविद्यालयमा वा सामुदायिक विद्यालयमा कार्यरत स्थायी शिक्षकका परिवार भए सम्बन्धित निकायको सिफारिस पत्र,
• अनुसूची १ वंशज र अनुसूची ७ – वैवाहिक अंगीकृतको स्थानीय तहबाट सिफारिस फाराम,
• अटो साइजको फोटो २ प्रति (वंशज), ५ प्रति(वैवाहिक अंगीकृतका लागि),
• पिता/पति वा नजिकको नातेदारको नेपाली ना.प्र.सहित सनाखत,
• जन्ममिति खुल्ने शैक्षिक प्रमाणपत्र, जन्मदर्तापत्र वा नाबालक 
• परिचयपत्र,
• विवाहित महिला भए विवाहदर्ता प्रमाणपत्र र पतिको नागरिकताको  प्रमाणपत्र।

गैरआवासीय नेपाली नागरिकताको प्रमाण पत्र

• अनुसूची ८- ग बमोजिमको ढाँचामा स्थानीय तहबाट भएको सिफारिस,
• निवेदक वा निजको बाबु वा आमा, बाजे वा बज्यै नेपालको नागरिक रहेको प्रमाण,
• सम्बन्धित ब्यक्तिले साविकमा नेपालको नागरिकता लिएको भए सो नागरिकता त्याग गरेको प्रमाण,
• विदेशी मुलुकको नागरिकता भएको प्रमाण, (दक्षिण एसियाली क्षेत्रीय सहयोग सङ्गठनका सदस्य राष्ट्रबाहेकको देशको)
• दक्षिण एसियाली क्षेत्रीय सहयोग सङ्गठनका सदस्य राष्ट्रबाहेकको देशमा बसोबास गरेको प्रमाण,
• हाल नागरिक रहेको मुलुकबाट लिएको राहदानीको प्रतिलिपी, (दक्षिण एसियाली क्षेत्रीय सहयोग सङ्गठनका सदस्य राष्ट्रबाहेकको देशको)
• नेपाली राहदानीको छायाँप्रति,
• निवेदक वा निजको बाबु वा आमा, बाजे वा बज्यैको नेपाली नागरिकता प्रमाणपत्रको छायाँप्रति,
• अनुसूची–८ घ. बमोजिमको प्रतिबद्धतापत्र,
• निवेदकसँग निजको बाबु/आमा/बाजे/बज्यैको नाता प्रमाणित प्रमाणपत्र (आवश्यकता अनुसार)